Deputetja Jeta Statovci ka shprehur shqetësim lidhur me zhvillimet në OSHP, sa i përket tenderit për rregullimin e rrugës A.

Në Komisionin për Buxhet, Punë dhe Trasnfere, Statovci ka thënë se ky tender prej 8.5 milionë eurosh iu dha një kompanie, pronari i së cilës ishte dënuar për mashtrim dhe falsifikim të dokumentit zyrtar.

Madje, sipas Statovcit, Gjykata e Apelit ia ka ndaluar të njëjtit të marrë pjesë në prokurime publike deri më 2028.

“Kultura e zhvatjes së parasë publike, ikjes nga përgjegjësitë ligjore, favorizimi i kompanive të caktuara që kanë lidhje politike, anipse zyrtarëve të tyre ju janë shqiptuar denime dhe ndalesa 10 vjeçare në proces prokurimi, duhet të marrë fund në vendin tonë” ka thënë mes të tjerash Statovci.

🛑 𝗧𝗲𝗻𝗱𝗲𝗿𝗶𝗻 𝗽𝗿𝗲𝗷 𝟴.𝟱 𝗺𝗶𝗹𝗶𝗼𝗻ë 𝗲𝘂𝗿𝗼𝘀𝗵 𝗶 𝗞𝗼𝗺𝘂𝗻ë𝘀 𝘀ë 𝗣𝗿𝗶𝘀𝗵𝘁𝗶𝗻ë, 𝗶𝘂 𝗱𝗵𝗮 𝗳𝗶𝗿𝗺ë𝘀 𝗸𝘂 𝗽𝗿𝗼𝗻𝗮𝗿𝗶 𝗶 𝘀𝗮𝗷 𝗶𝘀𝗵𝘁𝗲 𝗱ë𝗻𝘂𝗮𝗿 𝗽ë𝗿 𝗺𝗮𝘀𝗵𝘁𝗿𝗶𝗺 𝗱𝗵𝗲 𝗳𝗮𝗹𝘀𝗶𝗳𝗶𝗸𝗶𝗺 𝘁ë 𝗱𝗼𝗸𝘂𝗺𝗲𝗻𝘁𝗶𝘁 𝘇𝘆𝗿𝘁𝗮𝗿, 𝗱𝗵𝗲 𝗻𝗴𝗮 𝗔𝗽𝗲𝗹𝗶 𝗲 𝗸𝗮 𝘁ë 𝗻𝗱𝗮𝗹𝘂𝗮𝗿 𝗾ë 𝘁ë 𝗺𝗮𝗿𝗿ë 𝗽𝗷𝗲𝘀ë 𝗻ë 𝗽𝗿𝗼𝗸𝘂𝗿𝗶𝗺𝗲 𝗽𝘂𝗯𝗹𝗶𝗸𝗲 𝗽ë𝗿 𝗻𝗷ë 𝗽𝗲𝗿𝗶𝘂𝗱𝗵ë 𝟭𝟬 𝘃𝗷𝗲ç𝗮𝗿𝗲- 𝗱𝗲𝗿𝗶 𝗺ë 𝟮𝟬𝟮𝟴.

Në Komisionin për Buxhet, Punë dhe Transfere shpreha shqetësimin rreth zhvillimeve të fundit në OSHP lidhur me tenderin 8.5 milionësh, tender ky për rregullimin e rrugës A në Kryeqytet, rast i cili tashmë ka aktivizuar edhe Prokurorinë e shtetit. Shqetësimet implikojnë dhe OSHP-në në trajtimin e kesaj lënde.

Kultura e zhvatjes së parasë publike, ikjes nga përgjegjësitë ligjore, favorizimi i kompanive të caktuara që kanë lidhje politike, anipse zyrtarëve të tyre ju janë shqiptuar denime dhe ndalesa 10 vjeçare në proces prokurimi, duhet të marrë fund në vendin tonë.