Milot Rashica mund të ndërroj skuadër së shpejti dhe të largohet nga Vitesse.

Sulmuesi i talentuar nga Kosova ka shkëlqyer në kampionatin holandez këtë edicion dhe ka zgjuar interesimin e disa skuadrave.

Por e ardhmja e tij mund të jetë në kampionatin gjerman Bundesliga.

Së fundmi garës për vushtrriasin i është futur edhe skuadra e rikthyer në elitë, Stuttgarti.

Mediat gjermane kanë raportuar se Rashica i pëlqen Stuttgartit dhe klubi bardh e kuq është i gatshëm për të shpenzuar.

Vitesse ka paralajmëruar se nuk e lë të lirë reprezentuesin kosovar nën tetë milionë euro, para që nuk janë problem për Stuttgartin.

Por klubi bardh e kuq duhet ta mposhtë edhe konkurrencën e Hannover 96 që gjithashtu po e kërkon lojtarin.

Rashica ka kontratë me Vitessen deri në qershorin e vitit 2020, ndërsa është pjesë e klubit holandez që nga viti 2015.

Në 25 ndeshje në të gjitha garat, sulmuesi anësorë ka shënuar tre gola dhe ka asistuar në pesë të tjerë.

Interesim për ish-anëtarin e Vushtrrisë ka shprehur edhe skuadra e njohura angleze Newcastle United.