Të paktën gjashtë persona kanë vdekur në Somali pas një sulmi vetëvrasës me bombë.

Rasti ka ndodhur të martën në qytetin e Mogadishus në një restorant afër një akademie policie, ndërsa autoritetet thonë se akoma është e paqartë kush qëndron pas sulmit.

Një shitës dëshmitar i rastit, i tha Reutersit se pa shpërthimin masiv kur ndodhi dhe ambulancën teksa përpiqej të arrinte në vendin e ngjarjes.

“Derisa isha duke pirë çaj dhe shikoja poshtë, ndodhi shpërthimi. Nga atje nuk e di se çfarë ndodhi”, deklaroi një tjetër dëshmitar.

Grupi islamik, aleat i Al-Kaidës ka kryer shpesh sulme me bomba në Mogadishu dhe afër Somalisë, si pjesë e fushatës për të rrëzuar qeverinë qendrore.