Një muaj pas fillimit të sezonit, diferenca në cilësi dhe klas ka qenë mjaft e dukshme mes Barcelonës dhe Real Madridit deri më tani.

Katalanasit kanë dominuar në çdo ndeshje këtë sezon, duke u mbështetur te suksesi i dyshes së tyre të sulmit, Lamine Yamal dhe Raphinha.

Por nëse i shtojmë Fermín Lópezin kësaj përzierjeje, treshja e Barcelonës duket se ka mposhtur me lehtësi homologët e tyre të Real Madridit.

Në fakt, treshja e Barcelonës e përbërë de Raphinha, Lamine dhe Fermín ka shënuar gjithsej 26 gola në La Liga dhe Ligën e Kampionëve këtë sezon.

Raphinha kryeson me një shifër të jashtëzakonshme prej 14 golash, Lamine ka kontribuar me tetë, ndërsa Fermín ka shtuar katër nga mesfusha. Së bashku, ata kanë dhënë gjithashtu 11 asiste.

Në kontrast, Kylian Mbappé, Vinícius Jr dhe Jude Bellingham kanë arritur të shënojnë vetëm 12 gola mes tyre, të ndarë në tetë nga Mbappé, tre nga Bellingham dhe vetëm një nga Vinícius, i cili ka qenë zhgënjimi më i madh në “Bernabéu”.

Kjo do të thotë se treshja e sulmit të Barcelonës ka lënë pas atë të Real Madridit me plot 14 gola diferencë.

Tridenti i Barcelonës ka tejkaluar gjithashtu klubet e mëdha evropiane.

Treshja e Manchester Cityt, e përbërë nga Erling Haaland, Rayan Cherki dhe Antoine Semenyo, ka 12 gola së bashku, ndërsa njësia e frikshme e Bayern Munichut me Michael Olise, Harry Kane dhe Jamal Musiala gjithashtu ka arritur në kuotën e 12 golave.

Ndërkohë, Ousmane Dembélé, Ferran Torres dhe Vitinha të PSG-së kanë gjithsej vetëm 10 gola.

Transformimi i Raphinhas ka qenë qendror në gjithë këtë situatë. I caktuar në rolin e “falsit 9” pas largimeve të Robert Lewandowskit dhe Ferran Torresit, braziliani ka shkëlqyer si kapiten, duke regjistruar tashmë dy “hat-trick” dhe tre dygolësha. Ai madje ka shënuar më shumë gola i vetëm sesa 16 nga 20 ekipet e La Ligës dhe tashmë renditet i dyti në garën për Këpucën e Artë Evropiane.

Përkrah tij, Lamine vazhdon të verbojë me tetë gola dhe gjashtë asiste, ndërsa Fermín mbetet një rrezik i vazhduar nga prapavija. Ka ende shumë rrugë për të bërë, por reparti ofensiv i Barcelonës ka vendosur një ritëm golashënimi që, për momentin, askush në Evropë nuk mund ta barazojë./GazetaExpress/