Tërmkolli: Kurti as me shehër as me Barlievë, e la Kosovën pa targa dhe pa miq

Prishtinë | 30 Tet 2022 | 10:21 | Nga Ekonomia Online

Ish-ministrja dhe deputetja e LDK-së, Melihate Tërmkolli, ka kritikuar vendimin e fundit të Kurtit për targat.

Sipas saj ky vendim është “as me shehër as me Barilevë”, pasi sipas saj kjo e lë Kosovës pa targa dhe pa miq.

“Politika “kreative” e Kryeministrit Kurti “as me sheher as me Barilevë” e lë Kosovën edhe pa targa edhe pa miq!”, ka shkruar Melihate Tërmkolli në Facebook.

Qeveria e Kosovës të premten ka shpalosur një plan për çështjen e targave që lëshohen nga Serbia, që do të zbatohet në disa faza. Plani parasheh që nga 21 prilli i vitit të ardhshëm “të hiqen” të gjitha targat që nuk janë RKS- Republika e Kosovës.

“Për tri javë, duke filluar nga data 1 nëntor deri më 21 nëntor, masa do të jetë ajo e qortimit. Pastaj, nga 21 nëntori, për dy muaj deri më 21 janar do të jetë masa e gjobitjes dhe më pastaj nga 21 janari do të kemi targa provuese për dy muaj të tjerë, pas së cilës datë, më 21 prill nuk mund të ketë sepse nuk mund të lejohen targa të tjera në Republikën e Kosovës”, tha kryeministri i Kosovës, Albin Kurti gjatë mbledhjes së Qeverisë të mbajtur më 28 tetor.

Të ngjashme