Pas vrasjes së Erona Coklit nga ish-bashkëshorti, aktivistë të pavarura dhe anëtaret e Kolektivit Feminist me anë të një postimi ne Facebook kanë bërë thirrje për të gjithë qytetarët dhe qytetaret që të bashkohen me ne në një protestë të gjithëpopullore kundër femicidit dhe dhunës ndaj grave në Kosovë.

Femicidi është një çështje e rëndë e cila po shkakton dhimbje dhe pikëllim të pashoq. Grate dhe vajzat po vazhdojnë të jenë viktima të dhunës, duke i humbur jetën e tyre në mënyra të tmerrshme dhe të pamëshirshme.