Të armatosur me pushkë të rreme, një grup i vogël prej rreth 30 ukrainasve mblidhen në pyll në periferi të Kievit.

Ata bërtasin “lavdi Ukrainës” me një grusht në gjoks përpara se të fillojë trajnimi, i cili fokusohet në trajtimin për pushkë dhe sulmin ndaj armiqve.

Organizata, Total Resistance, organizon këtë trajnim për ata që duan të mësojnë të mbrohen në rast të një pushtimi rus, shkruajnë mediat e huaja, përcjell Telegrafi.

Tensionet midis Moskës dhe Kievit janë rritur javët e fundit, mes pretendimeve se Rusia ka vendosur 92,000 trupa pranë kufirit të Ukrainës.

Moska aneksoi Krimenë nga Kievi në vitin 2014 dhe mbështeti separatistët në Ukrainën lindore, duke shkaktuar një luftë që ka vrarë më shumë se 13,000 njerëz.

Rusia thotë se nuk ka ndërmend të sulmojë Ukrainën.

Megjithatë, disa në anën ukrainase kanë frikë se pretendimet për grumbullimin e trupave ruse do të ndezin konfliktin në Ukrainën lindore që të ndizet përsëri, ose më keq.

Kjo do të thotë se seancat stërvitore si ajo e drejtuar nga Total Resistance janë bërë më të shpeshta dhe më të qasshme.

Ato filluan në fillim të këtij viti kur pati një grumbullim të ngjashëm të trupave ruse pranë kufirit Rusi-Ukrainë.

“Ne duam të ndihmojmë ukrainasit që të jenë të përgatitur për të mbrojtur veten”, ka thënë për Euronews, Andrei Rekun, udhëheqësi i Rezistencës Totale. “Është e drejta e tyre ta bëjnë këtë”.

Rekun vëzhgon stërvitjen nga një distancë, duke parë sesi një veteran i ushtrisë u tregon pjesëmarrësve se si të mbulojnë njëri-tjetrin në rast sulmi ose tërheqjeje.

Ai thotë se trajnimi është kryesisht për qëllime mbrojtëse dhe nënvizon se të gjithë janë të mirëpritur.

Një nga pjesëmarrësit është edhe 35-vjeçari Sasha, i cili ushtron normalisht artet marciale. Ai solli me vete mikun e tij Sergei dhe djalin nëntë vjeçar të Sergeit. Pasi ushtruan me pushkët e sulmit prej druri të rreme, ata vazhdojnë të provojnë të mbajnë një pushkë të vërtetë sulmi dhe ta mbushin atë ndërsa ecin.

“Shumica e njerëzve mendojnë se lufta është diku larg dhe jo këtu afër”, thotë Sasha. “Mendoj se është gabim. Kjo mund të përshkallëzohet. Është një situatë e rrezikshme. Unë mendoj se mbrojtja kryesore e Ukrainës është se ne të gjithë jemi gati të mbrohemi dhe jemi gati kudo dhe në çdo kohë”.