Një person ka humbur jetën pasi që është rrokullisur me traktorin që po e drejtonte.

Sipas Policisë, rasti ka ndodhur dje rreth mesditës në Kamenicë.

“Viktima deri sa kishte qenë duke drejtuar traktorin e tij, është rrokullisur dhe si pasojë i njëjti kishte pësuar lëndime vdekjeprurëse”, thuhet në raportin e Policisë.

Ekipi mjekësor ka dalë në vend të ngjarjes dhe ka konstatuar se viktima nuk ka shenja jete.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.

Rasti po trajtohet si vdekje aksidentale.