Shtetet e Bashkuara duhet të sigurojnë që çdo person që largohet nga dhuna ose persekutimi, mund të marrë mbrojtje “pa pengesa”, tha agjencia e refugjatëve të Kombeve të Bashkuara UNHCR të premten, pak orë pasi presidenti i ShBA-së, Donald Trump nënshkroi një urdhër për kufizimin e të drejtave të azilit.

“UNHCR pret që të gjitha vendet, përfshirë Shtetet e Bashkuara, të sigurojnë që çdo person që ka nevojë për mbrojtje të refugjatëve dhe asistencë humanitare, është në gjendje të marrë menjëherë dhe pa pengesa në përputhje me Protokollin e refugjatëve të vitit 1967, në të cilën Shtetet e Bashkuara janë palë”, tha agjencia, duke iu referuar një protokolli të Konventës së Refugjatëve të vitit 1951.

Vendimi i cili hyn në fuqi të shtunën, do të thotë se emigrantët do të duhet të paraqiten në portet e hyrjes së SHBA-së për t’u kualifikuar për azil. Avokuesit e emigrantëve thonë se administrata ka ngadalësuar me qëllim përpunimin e migrantëve në portet zyrtare, duke i detyruar ata të presin për ditë ose javë për të kërkuar mbrojtje.