Kryetari i Kuvendit të Kosovës, Kadri Veseli në një postim në Facebook ka kujtuar John McCain duke e cilësuar atë si miku i madh i lirisë dhe pavarësisë së Kosovës.

Postimi i Veselit:

Vitin e kaluar në Kuvendin e Kosovës kishim nderin të presim senatorin John McCain, mikun e madh të lirisë dhe pavarësisë sonë. I ruaj të paharrueshme mbresat e veçanta nga takimi me të. Një mendje briliante që me pak fraza zbërthente edhe problemet më komplekse të kohës sonë. Kosova ka qenë e bekuar duke pasur miq të tillë si senatorin McCain. Vdekja e tij na ka pikëlluar të gjithëve. Prehu në paqe miku ynë i madh e i paharruar.