Vrasja e ish-luftëtarit të UÇK-së në Pejë, Policia e shpall në kërkim personin e dyshuar

Prishtinë | 25 Pri 2021 | 11:35 | Nga Ekonomia Online

Faton Brahimi po kërkohet nga Policia e Kosovës për vrasjen e djeshme të familjarit të tij Bashkim Brahimaj, gjatë ditës së djeshme në Novosellë të Pejës.

Menjëherë pas vrasjes dolën informacione se viktima dhe dorasi ishin djemë të axhës dhe se tragjedia dyshohet të ketë ndodhur për çështje pronësore.

Gjithashtu policia ka bastisur shtëpinë e të dyshuarit, por i njëjti nuk është gjetur aty.

“Gjatë kontrollit në shtëpinë e të dyshuarit janë gjetur dhe konfiskuar: një mitraloz, një pistolete, paisje për pastrim te armës, 890 fishek të kalibrave të ndryshëm, dhe pesë predha po ashtu kalibra të ndryshëm”, ka njoftuar policia.

Ndërsa, një ditë pas vrasjes policia po kërkon ndihmën e qytetarëve për arrestimin e tij.

Fjalë Kryesore:

Të ngjashme