Presidenti i Serbisë, Aleksandar Vuçiq, në paraqitjen e fundit për një televizion serb, është marrë edhe me kritikuesit e tij politik në Serbi.

Vuçiq, veçanërisht, u ndal te disa kritikuesit e tij që po e quajnë “të çmendur”.

“A doni t’ju shpjegoj pse jam i çmendur”, pyeti Vuçiq, duke theksuar se kjo ndodh për shkak se askush, përveç tij, nuk mund t’i përballonte sulmet dhe presionet.

“Askush nuk do ta duronte këtë. Nuk ka njeri që sulmohet çdo ditë”, tha Vuçiq.

Vuçiq u ndal te deklaratat e kryetarit të Partisë Popullore, Vuk Jeremqiti, i cili e quajti të çmendur dhe më të çmendur sesa Sllobodan Millosheviqi.

“Ai tha se menduan se pas Millosheviqit nuk mund të vinte një i çmendur më i keq. E po, ka të drejtë, pasi Millosheviçi u bë më keq. Kush e shkretoi vendin. Ai thotë se Serbia nuk duhet të vendosë veto në BE? E po, nuk është se ai mbron që ne të mos kemi veto. Dhe këtë e thotë një njeri që është kundër çdo nisme evropiane dhe BE-së, shpreson të marrë votat e patriotëve dhe të gjithë e dinë se çfarë ka bërë. Le të flasim për rezultatet. Ti je kaq i zgjuar e unë jam i çmendur, sa kilometra hekurudhë ke ndërtuar? Zero kilometra. Ata restauruan 28 km të hekurudhës, Batajnicë-Golubinci. Dhe, i çmenduri ka rindërtuar deri tani 735 km hekurudhë”, ka shtuar ai, N1.