Gjatë takimit të sotëm në Tiranë, presidenti serb Aleksandër Vuçiç ka bërë një veprim krejt të pahijshëm dhe të padenjë për një lider shteti.

Në nisje të samitit të Brdo-Brijunit, Vuçiç ka refuzuar foton e përbashkët që mikpritësit e realizuan me të gjithë liderët e tjerë të Ballkanit.

Në momentin kur hyri në samit, Kreu i Shtetit serb takoi presidentin e vendit Ilir Metën, Kolinda Grabar-Kitarovic dhe Andrzej Duda-n, mikpritës të samitit të Brdo-Brijunit ndërsa ka refuzuar foton e përbashkët.

Gjatë samitit, Vuçiç akuzoi shqiptarët për provokim pas dakordësisë së Hashim Thaçit dhe Edi Ramës për “krijimin e një hapësire shqiptare pa kufi, nën ombrellën euroatlantike”.

Ndërkohë kujtojmë se sa i takon shtrëngimit të duarve me presidentin e Kosovës Hashim Thaçi, Vuçiç është shprehur se nuk kishte asgjë zyrtare.

“Isha duke u marrë me të gjithë të pranishmit, gjithashtu edhe me Thaçin, por nuk ishte një shtrëngim duarsh zyrtar”, ka shpjeguar ai, duke pranuar se ai shtrëngim duarsh ishte i ftohtë.