Presidenti serb, Aleksandar Vuçiq ka thënë se pret më shumë mirëkuptim nga bota për rezultatin e referendumit në Maqedoni dhe kërkoi që BE dhe NATO të tregojnë më shumë respekt për  siç i quajti ai “kombet e vogla” dhe të përpiqen të kuptojnë se çfarë po ndodh.

I pyetur për të komentuar vlerësimet e BE-së dhe NATO-s për dështimin e referendumit maqedonas për emrin e ri të vendit, Vuçiq fillimisht iu tha mediave serbe në Moskë se nuk i takon atij të komentojë apo të ndërhyjë, por priste gjithashtu reagime të ndryshme, raportojnë mediat serbe, transmeton Klan Kosova.