Funksionalizimi i Zyrës ndihmëse para gjashtë muajve në njërin prej sporteleve në ndërtesën e Administratës së Komunës, për lehtësimin e qasjes së qytetarëve dhe adresimit të kërkesave të tyre, ende nuk është bërë e ditur për të gjithë qytetarët e kësaj komune që duan t’ia paraqesin kërkesat e tyre ndonjërës prej drejtorive komunale.

Megjithatë, ajo po konsiderohet goxha e suksesshme, në kuptimin se jo të gjithë qytetarët po kanë njohuri për shkrimin e një kërkese. Besnike Bytyçi, përgjegjëse në këtë zyrë ndihmëse për qytetarë, tregon se gjatë kësaj periudhe gjashtëmujore janë pranuar 80 kërkesa nga më të ndryshmet, shkruan sot gjerësisht Koha Ditore.