Një pjesë e konsiderueshme e anëtarëve të Barcelonës mund të humbasin përfitimet, ndërsa afati i fundit për regjistrimin e klubeve po afrohet.

Anëtarët, ose shoqatat, kanë kohë deri në fund të vitit 2023 për të përditësuar të dhënat e tyre në internet si pjesë e procesit të regjistrimit të klubit, dhe nga rreth 144,000 anëtarë, rreth 13.9% ende nuk e kanë bërë këtë, transmeton Gazeta Express.

Sipas “Mundo Deportivo”, Barcelona është ende në pritje të 20,000 anëtarëve për të plotësuar formularët.

Kjo mund të ketë një efekt negativ për tifozët, të cilët rrezikojnë të mos jenë në gjendje të rinovojnë kartën e anëtarësimit për vitin e ardhshëm. Kjo gjithashtu do t’i privonte ata nga biletat e sezonit, ose vendin e tyre në listat e pritjes për biletat e sezonit.

Anëtarësimi këtë vit për të rriturit kushton 207 euro për vit, për të rinjtë kushton 107 euro dhe për ata nën 11-vjeç është caktuar 51 euro.