Zakone që një milioner i shmang

Prishtinë | 25 Kor 2023 | 07:13 | Nga Ekonomia Online

Rutina dhe zakonet janë ato që reflektojë ditën dhe suksesin tonë. I suksesshëm bëhesh nuk lind.

Ja çfarë ka zgjedhur të mos bëj një milioner:

8. Të punosh për të tjerët

Në Shtetet e Bashkuara, dy të tretat e milionerëve filluan si sipërmarrës me pak dollarë në xhep. Nuk është e vështirë të kuptohet se, nëse punon për dikë tjetër, mundësia për t’u spikatur reduktohet bindshëm.

Fillo sa më shpejt një projekt tëndin.

7. Të flesh shumë

Të zgjohesh herët nuk është vetëm çështje përpikmërie, por kështu përfiton nga çdo minutë e ditës që të jesh më produktiv se të tjerët.

Tim Cook, CEO i Apple, i përgjigjet email-eve në 4.30 të mëngjesit, ndërsa Jack Dorsey, themeluesi i Twitter, del për vrap dhe mediton në 5.30 të mëngjesit. Ata e investojnë kohën e tyre në zakone pozitive që japin fryte për të ardhmen.

6. Të bësh gjithçka vetë

Pjesa më e madhe e njerëzve që kanë pasur sukses si sipërmarrës kanë pasur një mentor plot përvojë që ka ndarë me ta njohuritë e tij.

Nuk është keq që të duash t’a çosh një projekt deri në fund vetë, por duhet të ndjesh mbështetje dhe, mbi të gjitha, duhet të kesh sigurinë se në momente të vështira ke dikë që do të të japë një këshillë.

5. Të shohësh televizor në kohën e lirë

Fatkeqësisht, pjesa më e madhe e programacionit televiziv nuk zgjeron njohuritë por, krejt e kundërta, i kufizon ato.

Për t’u përgatitur mirë për të ardhmen duhet të përqendrohesh te zgjerimi i njohurive të tua dhe mënyra më e mirë për t’a bërë këtë është duke lexuar sa më tepër. Nuk i dihet kurrë se ku do të jesh nesër dhe çfarë njohurish do të të duhen.

4. Të mos bësh aktivitet fizik

Pjesa më e madhe e sipërmarrësve apo individëve të suksesshëm kalojnë të paktën një orë në ditë duke stërvitur trupin e tyre. Një trup i shëndetshëm ruan mendjen të shëndetshme dhe, kështu, do mund të kesh dyfishin e rendimentit në të gjitha fushat e jetës tënde.

3. Të mos planifikosh

Pa dyshim, një nga karakteristikat e shumicës së milionerëve dhe sipërmarrësve është kapaciteti i tyre për të planifikuar me detaje çdo hap që do t’i çojë në sukses. Nga ana tjetër, ata gjithmonë i vënë vetes qëllime reale dhe jo utopi, të cilat veçse do i frustronin.

2. Mos të marrësh asnjëherë rreziqe

Të mos gabosh asnjëherë do të thotë vetëm një gjë: nuk ke tentuar asnjëherë asgjë. Të rrezikosh, edhe nëse dështon, do të thotë të mësosh gjëra të reja dhe se çdo ditë do jesh më afër objektivit tënd.

1. Të mos kujdesesh për pamjen tënde

Të vishesh mirë, të krihesh, të lustrosh këpucët… janë gjëra që nuk duhen bërë vetëm në raste të veçanta. Nuk i dihet kurrë se kur mund të takosh personin që mund të të japë mundësinë e jetës tënde.

Fjalë Kryesore:

Të ngjashme