Gjykata Supreme e Kosovës e ka shpallur të paligjshme dhe e ka shfuqizuar Rregulloren për ndryshimin dhe plotësimin e Rregullores për themelimin dhe funksionalizimin e Koordinatorit kombëtar për luftimin e krimit ekonomik.

Këtë vendim Supremja e ka marrë pas padisë që e ka ushtruar ndaj Këshillit Prokurorial të Kosovës (KPK) që e ka nxjerr këtë rregullore, kryesuesi i Koordinatorit kombëtar për luftimin e krimit ekonomik, Shqipdon Fazliu.

“Ky aktgjykim merr formën e prerë menjëherë pas komunikimit të përmbajtjes dhe arsyetimit të tij palëve, dhe detyrohet i padituri Këshilli Prokurorial i Kosovës (KPK), me seli në Prishtinë, që të njëjtin ta publikojë në mënyrë të njëjtë sikurse të miratimit të saj”, thuhet në vendimin e Supremes.