“Sot, të gjithë, pa dallime partiake, duhet të jemi në protestë, sepse Gjykata Speciale vërtet është një monstrum juridik dhe një turp për drejtësinë. Një krijesë absurde që ka punuar nën direktivat e një njeriu të poshtër si Xhek Smith, një i çmendur që e ka përndjekur politikisht edhe Presidentin Trump.

Por, kjo ditë duhet të jetë edhe pikë e një reflektimi të thellë për ta pranuar gabimin e madh që u bë kur u votua Gjykata Speciale. Deputetët që e kanë votuar themelimin e këtij monstrumi juridik duhet ta thonë hapur që janë mashtruar e manipuluar dhe jo të fshihen prapa justifikimit fëmijëror se kishin presion të madh.

Historia duhet t’i gjykojë saktë dhe me gjakftohësi të gjitha rrethanat dhe veprimet që çuan në themelimin e kësaj Gjykate, sepse dëmi që i është bërë Kosovës është tejet i madh.

Rroftë UÇK-ja!”, ka shkruar Kryeziu sot.