Shtetasi i Shqipërisë që e shkeli flamurin e Kosovës në sheshin e Prishtinës një ditë më parë nuk është procedurar penalisht. Prokuroria Themelore në Prishtinë e ka konfirmuar se në rastin e personit që përdhosi flamurin shtetëror para objektit të Kuvendit të Kosovës nuk ka vërejtur vepër penale.

Ramadan Nishori, burri i parë që e theu heshtjen për dhunën seksuale gjatë luftës, e i cili e pa përdhosjen e flamurit të Kosovës reagoi kundër shkeljes së flamurit, duke ia marrë nga këmbët dhe duke i thënë shtetasit të Shqipërisë se “nuk mund ta bësh këtë me flamurin tim”.