Presidenti ukrainas Volodymyr Zelensky tha të premten se mijëra trupa të huaja mund të vendosen në vendin e tij sipas garancive të sigurisë pas luftës.

Pas kësaj deklarate, udhëheqësi rus Vladimir Putin tha se Moska do t’i konsideronte ato si objektiva legjitime për t’u sulmuar, raporton Reuters.

Komentet e tyre nënvizuan hendekun midis Kievit dhe Moskës, ndërsa pesimizmi perëndimor rritet mbi perspektivat për t’i dhënë fund luftës së Rusisë në Ukrainë shpejt, me presidentin e SHBA-së Donald Trump që shprehu zhgënjim në rritje me Moskën duke thënë se Rusia dukej “e humbur” ndaj “Kinës më të thellë dhe më të errët”.