Izraeli po përgatitet për mundësinë e vizitës së presidentit të SHBA-së Donald Trump në vend, nëse nënshkruhet një marrëveshje për lirimin e pengjeve dhe vendosjen e një armëpushimi në Gaza.

Në Izrael, besohet se Trump dëshiron të udhëtojë në rajon për të festuar personalisht arritjen e madhe.

Gjithçka varet nga rezultati i bisedimeve në Sharm el-Sheikh të Egjiptit, por indikacionet janë pozitive.

Egjipti, një ndërmjetës kyç në proces, e ka ftuar Trump të marrë pjesë në ceremoni, e cila mund të mbahet në Kajro.