Qendra Evropiane për Lirinë e Shtypit dhe Mediave i ka dërguar letër Kryeministrit në detyrë, Albin Kurti përmes të cilës i kanë kërkuar që të ndërmerr vendimet e nevojshme për të transferuar buxhetin te RTK.

Ata i kanë kërkuar veprim të menjëhershëm dhe pa vonesa.

Letra e plotë:

I nderuar Kryeministër në detyrë, z. Albin Kurti,

Ne, organizatat nënshkruese, po ju shkruajmë për t’ju bërë thirrje që menjëherë të ndërmerrni vendimet dhe veprimet e nevojshme për të transferuar buxhetin e kërkuar për Radio Televizionin e Kosovës (RTK), në mënyrë që punonjësit të mund të marrin pagat e tyre.

Sot, punonjësit e RTK-së protestuan për herë të dytë radhazi për shkak të vonesave në pagesën e pagave të tyre. Ne qëndrojmë në solidaritet të plotë me ta. Aktualisht, RTK nuk ka bord funksional, mandati i drejtorit ka skaduar dhe situata është bërë kritike.

Ju bëjmë thirrje të veproni pa vonesë për të siguruar që punonjësit të marrin pagat e tyre, e cila është e drejta e tyre themelore. Një vendim i tillë gjithashtu do të tregonte përkushtimin e qeverisë për të adresuar shqetësimet e theksuara në Raportin e fundit të Komisionit Evropian për vendin, i cili theksoi mungesën e progresit në lirinë e mediave dhe përmendi posaçërisht çështjen e buxhetit të transmetuesit publik.

Me respekt,

Qendra Evropiane për Lirinë e Shtypit dhe Mediave

Federata Evropiane e Gazetarëve

Instituti Ndërkombëtar i Shtypit