Sot janë intervistuar 22 persona të dyshuar për manipulim të votave dhe të njëjtit janë dërguar në mbajtje për 48 orë.

Zëdhënësi i policisë për rajonin e Gjakovës, Sheremet Elezi për Ekonomia Online tha se personat dyshohen për veprën “falsifikim i rezultateve të votimit”.

“Sektori Rajonal i Hetimeve në kuadër të Drejtorisë Rajonale të Policisë në Gjakovë, pas autorizimit nga Prokurori i Shtetit për ndërmarrjen e veprimeve hetimore, sot ka intervistuar 22 persona. Me vendim të Prokurorit të Shtetit, të njëjtit janë ndaluar në mbajtje për 48 orë, nën dyshimin për përfshirje në veprën penale “falsifikim i rezultateve të votimit” gjatë procesit të fundit për zgjedhjet parlamentare në Gjakovë”, tha ai.