Rusia thotë se i ka dorëzuar Ukrainës mbetjet e 1,000 ushtarëve dhe ka marrë në këmbim trupat e 35 ushtarëve rusë, ka raportuar BBC.

Kjo vjen ndërsa kryenegociatori i Ukrainës u takua me të dërguarit e Presidentit të SHBA-së Donald Trump në Gjenevë për të diskutuar planet ekonomike për rindërtimin e Ukrainës pas luftës.

Negociatorët po përgatitnin gjithashtu një raund të tretë bisedimesh të udhëhequra nga SHBA-të që synojnë t’i japin fund konfliktit i cili ka hyrë në vitin e tij të pestë – një takim trepalësh që përfshin edhe palën ruse.

Orë para bisedimeve të Gjenevës, Rusia lëshoi ​​420 dronë dhe 39 raketa në gjashtë rajone të ndryshme të Ukrainës, duke plagosur dhjetëra njerëz, tha Presidenti i Ukrainës Volodymyr Zelensky.