Numri i viktimave në Liban nga përplasjet me Izrael është rritur në 394 persona, sipas ministrit të Shëndetësisë së vendit.

Gjatë një konference për shtyp të dielën, ministri Rakan Nassereddine deklaroi se mes viktimave janë 83 fëmijë dhe 42 gra, që nga momenti kur Libani u përfshi në konfliktin më të gjerë mes Shtetet e Bashkuara të Amerikës, Izraelit dhe Iranit.

Sipas tij, nëntë punonjës të ekipeve të shpëtimit kanë humbur gjithashtu jetën gjatë operacioneve për të ndihmuar viktimat e sulmeve.

Bilanci i ri përfaqëson një rritje të ndjeshme krahasuar me shifrat e publikuara të shtunën, kur ministri i Shëndetësisë raportoi 294 të vdekur.

Përplasjet në kufirin mes Libanit dhe Izraelit janë intensifikuar ditët e fundit, duke rritur frikën për një përshkallëzim edhe më të madh të konfliktit në rajon.