Ish-kryetari i Odës Ekonomike të Kosovës, Berat Rukiqi, ka thënë se modeli ekonomik i Albin Kurtit nuk po funksionin.

Përmes, një postimi në profilin e tij në rrjetin social Facebook, Rukiqi ka shkruar se qëllimi i Kurtit nuk është zhvillimi ekonomik afatgjatë, por krijimi i varësisë së qytetarëve dhe bizneseve nga shteti dhe nga mëshira e pushtetit.

Sipas tij, Kosovës i duhet model zhvillimor.

Postimi i tij i plotë:

Modeli ekonomik i Kurtit nuk po funksionon.

* Qindra milionë të shpërndara

* Rritja e pagës minimale

* Rroga e 13-të

Prapë jemi vendi më i varfër në Evropë, përjashto Ukrainën që është në luftë.

Pse nuk funksionon ky model?

Sepse çdo masë e Kurtit: ndihma, subvencione e pako sociale nuk e nxjerr askënd nga varfëria. Vetëm e menaxhon varfërinë. Njësoj si antibiotiku: i menaxhon simptomat, por nuk krijon imunitet të qëndrueshëm.

Dhe problemi kryesor është se ky duket të mos jetë dështim aksidental dhe i paaftësisë, por logjikë politike dhe mjet politik.

Qëllimi i Kurtit nuk është zhvillimi ekonomik afatgjatë, por krijimi i varësisë së qytetarëve dhe bizneseve nga shteti dhe nga mëshira e pushtetit.

Sa më i varur qytetari nga subvencioni, ndihma apo favori i qeverisë, aq më i lehtë bëhet kontrolli politik mbi të.

Kosovës i duhet krejt tjetër model. I duhet model zhvillimor me:

* Investime të mëdha kapitale

* Nxitje e ndërmarrësisë dhe inovacionit

* Investime në AI dhe teknologji

* Zëvendësim i importeve me prodhim vendor

* Mbështetje për eksportin dhe industrinë prodhuese

Këto politika i fusin njerëzit në punë, i bëjnë më produktivë dhe krijojnë ekonomi që prodhon mirëqenie reale.

Një shtet serioz nuk i mban qytetarët në varfëri të menaxhuar. I fuqizon që të mos kenë nevojë për mëshirën e pushtetit