Ekipet e shpëtimit në Görlitz po vazhdojnë kërkimet për tre persona të zhdukur, pas shembjes së një ndërtese të hënën në mbrëmje në këtë qytet pranë kufirit me Polonia.

Sipas autoriteteve policore, dyshohet se shkaku i incidentit mund të ketë qenë një shpërthim gazi, ndërsa ekipet po punojnë me kujdes për shkak të rrezikut të mundshëm nga rrjedhjet e gazit në zonë.

Fillimisht u raportua se deri në pesë persona mund të kishin mbetur nën rrënoja, por më vonë ky numër u reduktua në tre të zhdukur, pas verifikimeve në terren.

Operacionet e kërkimit po zhvillohen me ndihmën e qenve të specializuar dhe makinerive të rënda, ndërsa rrënojat po largohen gradualisht për të arritur te zonat e bllokuara.

Autoritetet lokale kanë bërë të ditur se ndërtesa ishte përdorur si objekt banimi dhe akomodimi për turistë, ndërsa hetimet për shkaqet e shembjes po vazhdojnë.