Sot në Burgun e Dubravës mbahen homazhe përkujtimore në nderim të viktimave, të plagosurve dhe të mbijetuarve të Masakrës së Dubravës, një prej krimeve më të rënda ndaj të burgosurve shqiptarë gjatë luftës në Kosovë.

Aktiviteti organizohet në 27-vjetorin e ngjarjeve tragjike të ndodhura në periudhën 19-24 maj 1999, kur dhjetëra të burgosur shqiptarë u vranë dhe qindra të tjerë u plagosën brenda këtij institucioni.

Ceremonia përkujtimore, e cila nis në orën 11:00, synon të nderojë të gjithë të rënët dhe të mbijetuarit e kësaj masakre.