Mesfushori i Anglisë, Jude Bellingham, ka reaguar ndaj kritikave të trajnerit Thomas Tuchel, i cili, pavarësisht fitores dramatike 2:1 ndaj Norvegjisë në çerekfinalen e Kupës së Botës, u shpreh i pakënaqur me paraqitjen e skuadrës së tij.

Pas ndeshjes, Tuchel deklaroi se Anglia ishte “me fat” dhe se loja e ekipit nuk ishte në nivelin që ai priste, duke theksuar se ka ende shumë hapësirë për përmirësim para gjysmëfinales.

Megjithatë, Bellingham nuk ishte dakord me këtë vlerësim dhe mbrojti bashkëlojtarët e tij.

Ylli i Anglisë theksoi se Norvegjia posedon një nga repartet më cilësore sulmuese në futbollin evropian dhe se fitorja ndaj një kundërshtari të tillë nuk duhet të nënvlerësohet. Sipas tij, në fazat vendimtare të një Botërori rëndësi ka kualifikimi, edhe kur skuadra nuk luan futbollin më spektakolar.

Komentet e Bellinghamit kanë bërë bujë në mediat angleze, pasi rrallëherë një futbollist i përgjigjet publikisht trajnerit të kombëtares. Megjithatë, më vonë Tuchel sqaroi se kritikat e tij kishin të bënin vetëm me analizën taktike të ndeshjes dhe jo me mungesë besimi te lojtarët, ndërsa kapiteni Harry Kane u përpoq të ulte tensionet, duke deklaruar se trajneri dëshiron gjithmonë më shumë nga skuadra dhe se kritikat e tij shërbejnë si motivim.