Jens Spahn (CDU) ka dhënë dorëheqje nga posti i kryetarit të grupit parlamentar CDU/CSU në Bundestag.

Ai njoftoi se vendimin e kishte bërë të ditur fillimisht kancelarit Friedrich Merz dhe kryetarit të CSU-së, Markus Söder.

Si arsye, Spahn përmendi debatin e vazhdueshëm rreth faktit se ai dhe bashkëshorti i tij janë bërë prindër përmes një nëne surrogate, shkruan Bild, transmeton Klankosova.tv.

Në letrën e dorëheqjes ai shkroi se e kishte kuptuar se lumturia e tij personale për të krijuar familje nuk mund të pajtohet më me përgjegjësinë që mbart posti politik.

Sipas raportimeve, Merz kishte kërkuar dorëheqjen e Spahnit, duke vlerësuar se besueshmëria është vlera më e rëndësishme në politikë. Ai e cilësoi vendimin si “të drejtë” dhe “të pashmangshëm”, ndërsa e falënderoi Spahnin për kontributin e tij në drejtimin e grupit parlamentar dhe në punën e koalicionit qeverisës.

Deri në zgjedhjen e një kryetari të ri, detyrën do ta ushtrojë përkohësisht Alexander Hoffmann.