Protesta pranë ndërtesës së EULEX-it është tensionuar pas vendimit të Dhomave të Specializuara në Hagë për dënimin e ish-krerëve të UÇK-së, raporton Ekonomia Online.

Protestuesit e revoltuar kanë nisur të hedhin gurë në drejtim të ndërtesës së EULEX-it, ndërsa në vend të pranishme ishin njësi të Policisë së Kosovës.

Një numër i madh qytetarësh ka qëndruar në zonën prapa ndërtesës së EULEX-it, duke kundërshtuar vendimin dënues të marrë në Hagë për katërshen e UÇK-së. Protestuesit kanë vazhduar më pas për në sheshet e kryeqytetit.