Ministrja e Drejtësisë, Donika Gërvalla, ka mbrojtur figurën e kryetarit të Mitrovicës, Faton Peci, duke thënë se ai do të mbahet mend jo vetëm për transformimin e bujqësisë, por edhe për luftimin e krimit dhe korrupsionit, raporton Ekonomia Online.

Gërvalla, duke iu referuar kritikave ndaj Pecit, ka thënë se ai ishte ndër ministrat më të guximshëm të Qeverisë Kurti II.

“Për ta ulur pak nivelin e dezinformit dhe propagandës. Ministri Faton Peci, ish-ministri i bujqësisë, kryetari i sotëm i Mitrovicës. Do të mbahet mend për transformimin e bujqësisë, si një prej ministrave për luftimin e pakompromis të krimit dhe të korrupsionit, dhe do të mbahet mend si një prej ministrave më të guximshëm të Qeverisë Kurti II. E çka flitet në këtë sallë duhet të jetë edhe në përputhje me atë çka dëgjonim nga familjarët, nga fqinjët edhe nga qytetarët e Republikës tonë, të cilët çdo ditë dhe në çdo vend do t’ia përsërisin pikërisht këtë gjë tashmë”, tha ajo.