Kryetari i BDI-së, Ali Ahmeti, deklaroi se Maqedonia e Veriut mund të funksionojë dhe të mbijetojë vetëm përmes bashkëjetesës së qëndrueshme ndërmjet dy komuniteteve më të mëdha në vend, maqedonasve dhe shqiptarëve, transmeton TV21.
Ahmeti mes tjerash theksoi se të veçuar dhe të ndarë jemi të pafuqishëm, duke shtuar se kështu dobësohet shteti dhe bëhet i parëndësishëm në rajon.
“Këtyre tani që përpiqen të na përfaqësojnë pa legjitimitet në institucionet shtetërore. Institucioni dhe shteti është por si pushka, po nuk dite ta përdorësh do të hyshë therrave e do të qajsh si grua. Këta e kishin parë se si ne po ngrisim shkallë shkallë lavidnë e shqiptarëve në një demonstrim për shtetformësisë se ky shtet mund të jetojë e mbijetojë me bashkëjetesë të qëndrueshme mes dy kombeve më të mëdha – maqedonasve dhe shqiptarëve. Të veçuar e të ndarë jemi të pafuqishëm, e dobësojmë shtetin dhe e bëjmë të parëndësishëm në rajon”, deklaroi kryetari i BDI-së Ali Ahmeti.