Në Festën e Fitër Bajramit, Kryetari i Komunës së Ferizajt, Agim Aliu bashkë me deputetin e Kuvendit të Republikës së Kosovës, Elmi Reçica, drejtorë të drejtorive komunale dhe bashkëpunëtorë tjerë vizituan Këshillin e Bashkësisë Islame në Ferizaj ku u pritën nga drejtuesit e klerit fetar myslimanë në Ferizaj, në krye me kryetarin e KBI në Ferizaj, Bujar Hasani.

Në këtë ditë feste, bashkimi dhe solidariteti mes njëri-tjetrit, i pari i Ferizajt, Agim Aliu uroi krerët e Bashkësisë Islame në Ferizaj dhe gjithë besimtarët myslimanë në Ferizaj në Festën e Fitër Bajramit.

“Rrugëtimi i sakrificës në muajin e bekuar të Ramazanit, lutjet dhe agjërimi juaj, qoftë i pranuar. Me zemrën plot, për më shumë dashuri e solidaritet mes njëri-tjetrit, begati në sofrat tuaja dhe ngrohtësi në buzëqeshjet tuaja, me fat Festa e Fitër Bajramit! Bekimet dhe mirësitë e Zotit qofshin me ju!” tha kryetari Aliu.