Të paktën 29 vetë kanë vdekur pasi një autobus që transportonte turistë gjermanë devijoi nga një rrugë dhe u përplas në ishullin portugez të Madeira.

27 të tjerë persona mbetën të plagosur në aksidentin pranë qytetit të Caniço.

Siç shkruan agjencia e lajmeve portugeze, Lusa, aksidenti ndodhi kur shoferi humbi kontrollin e autobusit në një kryqëzim dhe doli jashtë rrugës.

Mjeti përfundimisht u ndal në çatinë e një shtëpie.

“Nuk kam fjalë për të përshkruar atë që ndodhi. Unë nuk mund të përballoj vuajtjet e këtyre njerëzve”, tha kryetari lokal Filipe Sousa.

Ai tha se të gjithë turistët në autobus ishin gjermanë, por disa njerëz lokalë gjithashtu mund të ishin midis viktimave.

Njëmbëdhjetë nga viktima ishin burra dhe 17 gra, shtoi Sousa.

Autobusi u raportua të mbante 55 pasagjerë, si dhe shoferin dhe një udhëzues turneu.

Një tjetër grua më vonë vdiq nga lëndimet e saj në spital.

Zëdhënësi i qeverisë rajonale të Madeira Pedro Calado tha se autobusi i plotësonte standardet e sigurisë dhe kështu ishte “e parakohshme për të folur për atë që shkaktoi aksidentin e tij”.