Dy persona kanë mbetur të vdekur, ndërsa katër janë lënduar, në një aksident trafiku që ka ndodhur sonte në fshatin Vranidoll të Prishtinës.

Kallxo.com mëson se viktimat janë një person i moshuar dhe një grua, ndërsa janë lënduar edhe katër persona të tjerë.

Në fotografitë e siguruara shihet një makinë “Mercedes” e përplasur me një makinë me ngjyrë të kuqe në anën tjetër.

Rruga ku ka ndodhur aksidenti është bllokuar për më shumë se një orë.

Në vendin e ngjarjes për t’iu dalë në ndihmë policëve janë parë edhe zjarrfikësit.