Alaba është i vetëdijshëm se do ta kenë shumë të vështirë kundër Italisë në “Euro 2020”.

Austria siguroi një kualifikimin të bukur në raundin e 1/8-ve, aty ku do të ketë përballë Italinë e Roberto Mancinit, takim që do të luhet në shtunën në mbrëmje (21:00) në “Wembley” të Londrës.

Një test i vështirë për ekipin austriak, por David Alaba, ylli i Austrisë dhe lojtari i Real Madridit, beson te suksesi dhe kualifikimi në deklaratën e dhënë për ARD, edhe pse e ka të qartë forcën dhe kualitetin e skuadrës kundërshtare.

Ai gjithashtu është i vetëdijshëm për forcën e Italisë.

“Ndihem në formë dhe jam i lumtur për atë që po bën Austria”, tha ai.

“Kalimi i grupit ishte objektivi ynë dhe jemi të lumtur që e realizuam”.

“Italia? E keni parë çfarë kanë bërë në grupe?! Gjithsesi, ne jemi këtu për të ëndërruar. Gjithçka mund të ndodhë në një sport si futbolli”.