Policia e Kosovës ka bërë të ditur se alarmi për bomë në Stacionin e Autobusave, ka rezultuar sërish i rremë.
Zëdhënësja e policisë për rajonin e Prishtinës, Flora Ahmeti, ka deklaruar për Ekonomia Online se policia ka marrë të gjitha masat e nevojshme në vendin e ngjarjes, por nuk është gjetë asgjë e dyshimtë.
“Pas kontrolleve të kryera nga njësitet kompetente, nuk është gjetë asgjë e dyshimtë. Hetuesit policor në koordinim me prokurorin e shtetit, kanë filluar punën për zbardhjen e të gjitha rrethanave që ndërlidhen me këtë rast i cili është cilësuar si lajmërim i rrejshëm”, ka thënë Ahmeti.
Kujtojmë se gjatë ditës së sotme policia ka njoftuar se kanë ndërmarrë të gjitha masat e sigurisë në Stacionin e Autobusëve në Prishtinë, pasi që kanë pranuar një telefonatë anonime rreth orës 15:00, me anë të së cilës një person ka deklaruar se ka vendosur mjete shpërthyese në Stacionin e Autobusëve në Prishtinë.
Deklarata e plotë:
Rreth orës 15:00, kemi pranuar një telefonatë anonime, përmes së cilës një person ka deklaruar se ka vendosur mjete shpërthyese në Stacionin e Autobusëve, në Prishtinë.
Menjëherë policia ka ndërrmarë të gjitha masat e sigurisë në atë zonë. Në një perimetër të caktuar ka evakuuar qytetarët, ndërkohë që janë angazhuar njësitet përkatëse për trajtimin e informatës.
INFORMATË SHTESË Informata është trajtuar nga ana e policisë. Pas kontrolleve të kryera nga njësitet kompetente, nuk është gjetë asgjë e dyshimtë. Hetuesit policor në koordinim me prokurorin e shtetit, kanë filluar punën për zbardhjen e të gjitha rrethanave që ndërlidhen me këtë rast i cili është cilësuar si lajmërim i rrejshëm.