Kreu i Komunës së Preshevës, Shqiprim Arifi përmes një postimi në Instagram ka kërkuar mbështetjen e komunitetit shqiptar në Zvicër që më 22 tetor të votojnë për Përparim Avdilin, i cili po garon për ulëse në Parlamentin Nacional të Zvicrës.
Në Instagram, Kryetari Arifi ka publikuar një fotografi me të derisa e ka përshkruar si një person kreativ, patriot e të palodhshëm.
“Të gjithë vëllezërve dhe motrave, pjesëtarë të komunitetit shqiptarë në Zvicër, ju ftoj e apeloj që më 22 tetor, ta vlerësoni e mbështesni mikun e vëllaun tonë Përparim Avdili”, ka shkruar mes tjerash Arifi.
Të kandidosh për një post politik, natyrshëm do bartësh edhe sfidën e përgjegjësisë.
Për fatin e mirë të shqiptarëve në Zvicër, që nuk u kanë munguar djem kurajoz që duan të bëjnë për komunitetin, kësaj here @perparim.avdili ka një sfidë të dyfishtë, atë të përfaqësimit të dyanshëm!
E përgëzoj kandidimin e Përparimit! Ai është edhe nip Presheve, i palodhshëm, kreativ e patriot!
Të gjithë vëllezërve dhe motrave, pjesëtarë të komunitetit shqiptarë në Zvicër, ju ftoj e apeloj që më 22 tetor, ta vlerësoni e mbështesni mikun e vëllaun tonë Përparim Avdili!