Bëhet fjalë për H.S. (emër i njohur për redaksinë), i cili u raportua nga gruaja e tij se gjatë muajit shtator ka dhunuar disa herë vajzën e lindur në vitin 2000.

Gazeta Metro ka arritur ta konfirmojë rastin nga burime brenda Policisë së Kosovës, pasi zyrtarisht ka qenë e pamundur për shkak të heshtjes së Stacionit Policor në Veri.

“Në Gushavc H.S disa herē e ka dhunuar vajzën e tij, e lindur në vitin 2000. Rastin në Polici e ka raportuar nëna e vajzës”, konfirmojnë burime të sigurta të Metros në Polici.

Siç bëhet e ditur, 48-vjeçari është arrestuar para disa ditësh, ndërkohë që tani ndodhet në paraburgim.

Ndonëse asgjë nuk është e konfirmuar, Metro mëson nga të afërm të të arrestuarit, se ai ka probleme mendore.

Ndryshe, Gushavci është fshat që gjendet në pjesën veriore buzë Ibrit, rreth 3 kilometra nga qendra e qytetit.