Afrika është duke e përjetuar një përhapje të shpejtë të virusit Covid-19, ndonëse fillimisht ishte një prej kontinenteve më të paprekura. Gjashtë vende të reja tashmë i kanë konfirmuar rastet e para të Coronavirusit.

Pas këtyre rasteve, nga Coronavirusi tash janë prekur 25 nga 54 vendet afrikane. Shteti më i ri që konfirmoi person të infektuar me virusin e ri ishte Republika e Kongos.

Rastet e para të infektimit u konfirmuan edhe në Guinenë Ekuatoriale, Mauritani, Namibi, Ruandë dhe Esëatini.

Të gjithë pacientët u infektuan përmes udhëtimeve nga vendet e tjera, njësoj si pothuajse të gjitha rastet e mëhershme që janë konfirmuar në Afrikë.

Qeveria e Republikës së Kongos e raportoi rastin e parë të Coronavirusit dhe tha se personi i infektuar ka shtetësi franceze dhe është kthyer nga Parisi më 1 mars.

Nëse sëmundja përhapet brenda kontinentit, zyrtarët shëndetësorë kanë paralajmëruar se disa shtete me sisteme të brishta të shëndetësisë mund të përballen me shkallë më të lartë të vdekshmërisë së personave të infektuar.

Namibia i konfirmoi dy raste të personave që kishin ardhur nga Spanja. Për këtë arsye, ky shtet e anuloi ceremoninë e festimit të përvjetorit të pavarësisë.