Ministrja në detyrë e Drejtësisë Albulena Haxhiu, bëri të ditur se brenda javës janë raportuar dy raste të dhunimit seksual.
Haxhiu tha se këto raste janë nga qyteti i Mitrovicës.
Ajo theksoi se institucionet duhet të i trajtojnë me seriozitet rastet.
Njoftimi i plotë:
Vetem brenda javës u raportuan dy raste të dhunimit seksual. Të dyja rastet nga qyteti i Mitrovicës. Kjo më ka shqetësuar shumë.
I bëj thirrje institucioneve të drejtësisë që rastet e tilla t’i trajtojnë me seriozitet. Masa e paraburgimit nuk do të duhej të zëvendësohej me masa të lehta ose lirim në procedurë të rregullt sepse kjo është inkurajim për dhunuesin dhe i motivon ata për përsëritje të veprës penale.
Dhunimi seksual është vepër penale dhe rastet e tilla duhet të marrin denimin sipas legjislacionit ne fuqi.