Një ekip i shpëtimit të pengjeve të FBI-së sulmoi një sinagogë në Colleyville të Teksasit të shtunën mbrëma. Kjo u bë për të liruar tre pengjet e mbetura të një personi të armatosur që kishte ndërprerë një shërbim fetar dhe filloi një përplasje me policinë më shumë se 10 orë më parë.

Të gjithë pengjet u liruan në mënyrë të sigurtë dhe personi i armatosur ishte i vdekur, tha shefi i policisë së Colleyville, Michael Miller në një konferencë për media.

Autori i armatosur fillimisht kishte marrë peng katër persona, në Kongregacionin Beth Israel, thanë zyrtarët. Derisa nuk raportohet për të lënduar mes pengjeve, shkruan Reuters, transmeton Klankosova.tv.

FBI deklaroi se e ka konfirmuar identitetin e të armatosurit, por që nuk do ta zbulojë ende. Agjencia nuk pranoi të konfirmonte shkakun e vdekjes së tij, duke thënë se ishte ende nën hetim.

Fort Worth Star-Telegram raportoi se në orët e para, burri mund të dëgjohej duke bërë një bisedë të njëanshme në atë që dukej të ishte një telefonatë gjatë një transmetimi të drejtpërdrejtë në Facebook të shërbimit të sinagogës hebreje në Colleyville.

Kurse para se të përfundonte transmetimi i drejtpërdrejtë, ai mund të dëgjohej duke zhurmuar dhe duke folur për fenë e motrën e tij. Burri mund të dëgjohej vazhdimisht duke thënë se nuk donte të shihte dikë të lënduar dhe se besonte se do të vdiste, shkroi gazeta.

Një zyrtar amerikan i informuar për këtë çështje i tha ABC News se pengmarrësi kishte pretenduar se ishte vëllai i neuroshkencëtares pakistaneze Aafia Siddiqui, e cila po vuan një dënim me burg prej 86 vitesh në SHBA. Ajo po mbahet e burgosur sepse në vitin 2010 qëlloi ndaj ushtarëve dhe agjentëve të FBI-së, dhe se ai kërkon që ajo të lirohet.