Lajmi se Lionel Messi ka kërkuar nga Barcelona largimin e menjëhershëm, pas turpërimit 8-2 ndaj Bayern Munich, mori dheun. Duke qenë se bëhet fjalë për yllin më të madh të futbollit botëror, mediat nxituan ta shumëfishojnë këtë “bombë”.

Por, për të përgënjeshtruar gjithçka ka menduar gruaja e kapitenit të Barcelonës, Antonela Roccuzo.

Në llogaritë e saj në rrjetet sociale, ajo shkruan qartë dhe pa ekiuvoke:

“Ju lutem mos besoni në këto lajme të rreme, që thonë se Messi dëshiron të largohet nga klubi i tij. Messi nuk tha asgjë dhe nuk do donte të largohej nga klubi i tij. Ai thjesht po shpreson për shokë skuadre më të mirë dhe kaq”.