Frashër Krasniqi arrestohet në kufirin me Shqipërinë, Molliqaj thotë se po përndiqen nga pushteti

Kryetari i Partisë Socialdemokrate, Dardan Molliqaj, ka njoftuar se Policia e Kosovës ka arrestuar aktivistin e tyre, Frashër Krasniqi, derisa po e kalonte kufirin Kosovë-Shqipëri.

Molliqaj ka shkruar se pushteti po i përndjek aktivistët e PSD-së sikurse dje me Donjeta Demollin e Gëzon Kastratin.

“Policia e ka arrestuar para pak çastesh edhe aktivistin tjetër Frashër Krasniqi, në kufirin Kosovë – Shqipëri. Sikurse dje, me aktivistët Donjeta Demolli dhe Gëzon Kastrati, përndjekja e këtij pushteti vazhdon edhe sot me rastin e Frashër Krasniqit’, tha ai.

Ish-Sekretari Organizativ i VV-së ka shkruar tutje se për PSD-në, Asociaciacioni është i paparanushëm dhe sipas tij meqë rezistenca po rritet “pushteti ka filluar përndjekjen”.

Njoftimi i plotë:

Policia e ka arrestuar para pak çastesh edhe aktivistin tjetër Frashër Krasniqi, në kufirin Kosovë – Shqipëri. Sikurse dje, me aktivistët Donjeta Demolli dhe Gëzon Kastrati, përndjekja e këtij pushteti vazhdon edhe sot me rastin e Frashër Krasniqit.

Për PSD-në Asociacioni është i papranueshëm. Tash që rezistenca ndaj kësaj marrëveshje do të rritet, ky pushtet e ka filluar përndjekjen. Këto metoda autoritare të frikësimit, nuk na ndalin. Me të tilla arrestime të paligjshme, rezistenca jonë nuk zvogëlohet.

Ne nuk do të ndalemi asnjëherë.

Kërkojmë lirimin e menjëhhershëm të Frashër Krasniqit.

(Foto nga arkivi)