Kryetari i Komisionit për Punë të Brendshme, Sigurinë dhe Mbikëqyrjen e Forcës së Sigurisë së Kosovës (FSK), Haxhi Shala, është shprehur i bindur se Kosova së shpejti do ta ketë ushtrinë e vet.

Deputeti i Nismës në një intervistë për “Epoka e Re” ka shprehur optimizëm se me një lobim të institucioneve tona dhe të bashkësisë ndërkombëtare do të arrihet tek një marrëveshje që ndryshimet e nevojshme kushtetuese për ushtrinë të përkrahen edhe nga deputetët serbë në Kuvendin e Kosovës.

Por, sipas tij, nëse kjo nuk ndodh, atëherë Kosova transformimin e FSK-së në ushtri do ta bëjë përmes ligjit, duke ia ndërruar misionin dhe duke i dhënë kompetenca shtesë.