Të shumta janë kompanitë që thonë se punonjësit e tyre punojnë në skuadër, edhe pse një gjë e tillë nuk është fare e vërtetë. 

Edhe pse punonjësve të ndryshëm mund t’i caktohet pjesëmarrja në të njëjtin projekt, ata marrin përsipër të realizojnë vetëm detyrën e tyre dhe nuk e ndjejnë fare veten si pjesë e një skuadre në të cilën duhet të bashkëpunojnë me njëri-tjetrin. Konfliktet rriten vazhdimisht. Informacionet që kanë disa punonjësi nuk ua japin kolegëve të tjerë, duke rritur kështu vështirësitë në procesin e realizimit të projektit.

Baza e pjesës më të madhe të vështirësive krijohen si pasojë e mungesë së komunikimit ose të komunikimit të duhur.

Ja se cilat janë disa gabime që ju duhet të shmangni në rast se nuk doni të “vrisni” shpirtin e skuadrës:

Mungesa e komunikimit.

Supervizorët, menaxherët dhe madje edhe ekzekutivët e ndajnë me të tjerë informacionin që kanë për një sërë arsyesh:

Neglizhenca. Paaftësia për të kuptuar se punonjësit duhet të vihen në dijeni për një sërë çështjes në lidhje me realizimin e një projekti, gjithmonë nëse kërkohet që rezultati përfundimtar i tij të jetë sa më pozitiv.

Paaftësia për të komunikuar me punonjësit. Kontrolli dhe ndjenja e pushtetit, fakti që doni të jeni vetëm ju ai që ka njohuri mbi gjithçka dhe të mos preferoni të ndani punën duke ia deleguar detyrat personave përkatës në skuadër.

Favoritizmi. Shpeshherë fëmijët i akuzojnë prindërit e tyre për favoritizëm ndaj motrës apo vëllait. Por nëse një gjë e tillë ndodh në ambientin e punës, atëherë të jeni të sigurt se shpirti i skuadrës nuk do të ekzistojë më.

ëse doni që në një ekip pune, puna të shkojë sa më mirë ndërmjet pjesëtarëve të ekipit, atëherë të gjithë pjesëtarët duhet të trajtohen në mënyrë të barabartë.

Hipokrizia. Shpeshherë drejtuesit bëjnë njoftime të tilla se si pasojë e kohëve të vështira që po kalon kompania ata janë të detyruar të bëjnë shkurtime në stafin e tyre.

Por kjo nuk është gjë tjetër veçse një hipokrizi sepse punonjësit e dinë fare mirë se nëse kompania nuk do të gjendej në një situatë të mirë financiare nuk do të rimodelonte të gjitha zyrat dhe të ndryshonte të gjitha mobiliet. 

Drejtuesit e kompanive të ndryshme i inkurajojnë punonjësit e tyre që të marrin pjesë në shoqata të ndryshme vullnetare në dobi të komunitetit. Por në momentin që një prej punonjësve të tyre mungon sepse duhet të ishte i pranishëm në një prej këtyre aktiviteteve gjatë orarit të punës, menaxherët e tyre e komentojnë me ironi, madje në disa raste me sarkazëm mungesën e tyre.

Prandaj nëse doni që stafi juaj të ketë një bashkëpunim shumë të mirë në grup atëherë ju si lider duhet të mundoheni të realizoni pikat e mëposhtme:

• Informojeni gjithmonë stafin tuaj me të rejat e fundit në lidhje me një projekt të caktuar.
• Komunikoni gjithmonë me punonjësit tuaj. Kështu ju do të jeni në dijeni të problemeve që ata kanë në realizmin e një procesi të caktuar, duke i dhënë ndihmën që kanë nevojë për të vazhduar përpara dhe duke mos krijuar në këtë mënyrë vonesa të panevojshme.