Kai Ambos, gjyqtar në Dhomat e Specializuara të Kosovës, ka shkruar një artikull relativisht të gjatë në gjuhën angleze, ku ka komentuar luftimet në mes Izraelit dhe Hamasit. Në artikullin e tij, gjyqtari Ambos,që e kishte lënë të hapur lirimin me kusht të Hashim Thaçit nga paraburgimit, e dënon sulmin e Hamasit ndaj Izraelit, të cilin sulm e konsideron terrorist, ndërsa Gazës i referohet si “burgu më i madh i hapur”. Çka shkroi Ambos?

Në shkrimin e titulluar “Solidaritet me Izraelin, por jo përkrahje parezervë”, Ambos kërkon një debat më të nuancuar. Gjyqtari i Gjykatës Speciale që në fillim të shkrimit e thotë qartë se sulmi i Hamasit është terrorist, që mund të konstituojë edhe gjenocidë në drejtim të izraelitëve. Megjithatë, z. ndërsa e thekson se duhet të pyetet në mënyrë kritike se sa larg duhet të shkojë përkrahja për kundërsulmin ushtarak të Izraelit.

“Veprimet e Hamasit janë cilësuar në një deklaratë të detajuar të hartuar nga avokatët ndërkombëtarë izraelitë, të nënshkruar edhe nga ky autor, për ato që janë: krime thelbësore sipas ligjit ndërkombëtar, që mund të arrijnë deri në gjenocid të drejtuar kundër popullsisë hebreje të Izraelit. Kjo duhet të jetë e padiskutueshme në mesin e avokatëve ndërkombëtarë (penalë). Sidoqoftë, veçanërisht në Gjermani, ne duhet t’i bëjmë vetes në mënyrë kritike pyetjen vijuese se deri ku mund të shkojë mbështetja jonë për kundërsulmin ushtarak të Izraelit.” – shkruan ai.

Në vazhdim, Ambos citon dy vendime të Gjykatës Supreme të Izraelit, pas së cilave e komenton vendimin e shtetit izraelit për të “rrethuar komplet” Gazën.

“Ky vendim kishte të bënte vetëm me kufizimin (!) e furnizimit me karburant dhe energji elektrike (me përjashtim të ujit dhe ushqimit) në Gaza, d.m.th., një kufizim që, siç theksohet nga vetë Izraeli, “i dëmshëm për nevojat themelore humanitare të banorëve” (po aty. , para. 6). Kështu, “rrethimi i plotë” i Rripit të Gazës, siç është deklaruar dhe zbatuar tani (nga ministri i Mbrojtjes Yoav Gallant), është i papranueshëm tashmë sipas standardeve të vetë Izraelit.” – shkruan tutje Ambos.

Tutje, Ambos citon një deklaratë të Komitetit Ndërkombëtar të Kryqit të Kuq, në të cilin denoncohet sjellja e Izraelit si “jo të përputhshme me ligjin ndërkombëtar humanitar.

“Udhëzimet e lëshuara nga autoritetet izraelite për popullsinë e qytetit të Gazës që të largohen menjëherë nga shtëpitë e tyre, së bashku me rrethimin e plotë që u mohon në mënyrë të qartë ushqimin, ujin dhe energjinë elektrike, nuk janë në përputhje me ligjin ndërkombëtar humanitar”. – shkruan Ambos.

Në artikull, Ambos shkruan edhe për situatën humanitare në Gaza.

“Në fakt, dhe kjo i bën gjërat edhe më keq, ka pak ose aspak mundësi arratisjeje për popullatën civile në Gaza, “burgu më i madhë në qiell të hapuir në botë”. Në veçanti, kjo popullatë nuk mund të pretendohet kolektivisht – si një lloj hakmarrjeje (e ndaluar sipas nenit 51(6) AP I; gjithashtu Kopra) ose dënim kolektiv (Dill-i kritik: „logjika e ndëshkimit kolektiv“) – për veprimet e tmerrshme të Hamasit. Sigurisht, luftimi i Hamasit në një zonë kaq të vogël dhe me popullsi të dendur si Rripi i Gazës, në përputhje me të drejtën ndërkombëtare dhe në të njëjtën kohë në mënyrë efektive, i paraqet IDF-së atë që, në fakt, është një dilemë e pakapërcyeshme, pasi viktimat dhe dëmet civile janë praktikisht të pashmangshme.” – shkruan tutje Ambos.

Në fund, gjyqtari i Gjykatës Speciale e “këshillon” Gjermaninë për mënyrë se si t’i qaset konfliktit.

“Ndërsa një armëpushim mund të mos jetë një opsion realist pa një lloj përfshirjeje ushtarake ndërkombëtare, qeveria gjermane tani duhet të mbështesë të gjitha përpjekjet për të arritur një zgjidhje humanitare, jo më pak për hir të besueshmërisë së saj si një shtet i udhëhequr nga parimet dhe rregullat e ligjit ndërkombëtar. Dërgesat e mëtejshme të armëve në Izrael duhet të konsiderohen me shumë kujdes në këtë situatë; ato mund të kenë pasoja sipas ligjit ndërkombëtar (penal) për Gjermaninë dhe personat e përfshirë.” – përfundon shkrimi i Ambos.