Policia spanjolle ka gjetur një ish-princeshë 46-vjeçare të Katarit të vdekur në shtratin e saj në shtëpinë e saj në jug të Spanjës, thanë autoritetet të mërkurën.

Kasia Gallanio u gjet e vdekur të dielën në mëngjes në apartamentin e saj në Marbella, ka thënë një zëdhënëse e policisë.

Policia shkoi në shtëpi pasi mori një telefonatë nga një prej vajzave të Gallanio në Francë, e cila tha se nëna e saj nuk u ishte përgjigjur telefonatave, shtoi zëdhënësja.

Policia hyri në kompleksin e apartamenteve dhe e gjeti Gallanion në shtrat, pa shenja dhune, sipas zëdhënëses që foli në kushte anonimiteti, në përputhje me rregullat e departamentit të saj.

Ajo tha se Gallanio kishte shtetësi amerikane dhe ishte 46 vjeç. Autopsia do të përcaktojë shkakun e vdekjes.

Gallanio ishte e martuar me Abdelaziz bin Khalifa Al-Thani, xhaxhain 73-vjeçar të Emirit të Katarit, sipas gazetës franceze Le Parisien.

Ata kishin tre fëmijë dhe bënë një betejë të gjatë për kujdestarinë mbi ta. Gallanio akuzoi ish-bashkëshortin e saj për sulm seksual ndaj njërit prej fëmijëve. Ai e mohoi akuzën.

Sipas Le Parisien, fëmijët jetojnë me babanë e tyre në Paris.